Albisteak

Abenduaren 3an, Euskararen Egunarekin, banatu ziren aurtengo EUSKARAZ GAZTE literatur sariak

Sari-banaketa kultur etxearen areto nagusian egin zen, abenduaren 3ko 19:00etan hasita, eta bertan izan ziren Udalaren ordezkariak, sarituekin eta epaimahaikideekin batera. Sariak banatzen Anuska Esnal alkatea eta Euskara batzordeko zinegotziak aritu ziren.

Lehiaketaren epaimahaia honako hauek osatu dute aurten: Eli Manterolak, Karkara aldizkariaren izenean; Eli Lasa, Aiako Udaleko kultur teknikariak; eta Jabier Zabaleta, Orioko Udaleko Euskara Zerbitzuko teknikariak.

Zetak taldearen kontzertua izango da kiroldegian abenduaren 19an

Pello Reparaz musikari nafarra buru duen Zetak taldeak kontzertua emango du Orion abenduaren 19an, larunbatarekin. Kontzertua 19:00etan izango da, Karela kiroldegian.

Sarrerak aldez aurretik hartu behar dira, 10 euro ordainduta. Aforo-mugak direla-eta, 220 sarrera baizik ez daude saltzeko eta asteazken arratsaldetik aurrera erosi daitezke kultur etxean. Pertsona bakoitzak bi sarrera erosi ditzake, gehienez.

Joan den astelehenaz geroztik, derrigorrezkoa da txartela erabiltzea organikoaren eta errefusaren edukiontziak irekitzeko

Herritarrei gogorarazten zaie hondakin bakoitza dagokion edukiontzian utzi behar dela eta erabat debekatuta dagoela hondakin-poltsak edukiontzien kanpoaldeetan uztea, argazkian ikusten den bezala.

Udal Elkarteak edukiontziak irekitzea erabaki zuen martxoan, COVID-19ari aurre egiteko neurrien artean. Urrian, berriz, egoera berriz aztertu eta hondakinak biltzeko zerbitzua berrantolatzen hasi zen Udal Elkartea eta, horren ondorioz, organikoaren eta errefusaren edukiontziak berriro itxi eta, lehen bezala, txartel bidez irekitzeko moduan uztea erabaki du.

Ireki da izen-ematea Hazilan programaren 11. edizioan parte hartzeko

Eskualdeko 15 partaidek osatuko dute taldea, gehienez, eta guztiek enpresetan praktikak egiteko aukera izango dute

Urola Kostako Udal Elkarteak HAZILAN egitasmoaren hamaikagarren deialdia egin du, datorren urteari begira. Egitasmoa goi mailako ikasketak dituzten eskualdeko 20-44 urte arteko langabeei edota lana hobetu nahi dutenei bideratuta dago:

• Langabeen kasuan, laneratzen laguntzeko
• Lanean ari direnen kasuan, beren lan aukerak hobetzeko.

Miriam Mendoza ipuin-kontalaria izango da abenduaren 14an kultur etxean

Liburutegiak hilero antolatzen dituen ipuin-kontaketa saioetako bat izango da datorren astelehenean, abenduak 14, 17:30ean hasita (adi: ordua aldatu du liburutegiak, eskari bati erantzunez).

Miriam Mendoza ipuin-kontalariak emango du saioa. Miriam ezaguna da Orioko haurrentzat, lehenago ere askotan etorri izan da-eta liburutegira.

Saioa kultur etxeko areto nagusian egingo da eta 3 eta 6 urte arteko haurrentzat eta gurasoentzat da.

share with Whatsapp

Udalak Gabonetako argi eta apaingarri berriak instalatuko ditu aurten

Albisteak Abenduak 01, 2020

Udalak aldatu egin du Gabonetako argiak direla eta azken urteotan erabili duen irizpidea eta herriaren izaerarekin lotuago dauden argi eta apaingarriak instalatuko ditu aurten. Dagoeneko hasita dago argietako batzuk instalatzen: argazkian ikusi daiteke, esate baterako, herriko zubiaren azpian jarri diren koloretako argiak, errioa argiztatzen dutenak. Datozen egunotan, pixkanaka, instalazioa osatzen joango da Udala, plazan, moila inguruan, Eusko Gudari kalean…

share with Whatsapp

• Hasi
• Aurrekoa
• 1
• 2
• 3
• 4
• 5
• 6
• 7
• 8
• 9
• 10
• Hurrengoa
• Amaiera