Albisteak

«AMAK» taldearen kontzertua izango da kiroldegian ekainaren 26an

«AMAK» taldeak kontzertua emango du Orion ekainaren 26an, larunbatarekin. Kontzertua 19:00etan izango da, Karela kiroldegian. Sarrerako ateak 20 minutu lehenago irekiko dira.

Kantaldirako sarrerak aldez aurretik hartu behar dira, 10 euro ordainduta. Aforo-mugak direla-eta, 220 sarrera baizik ez daude saltzeko eta astelehen arratsaldetik aurrera erosi daitezke kultur etxean. Pertsona bakoitzak bi sarrera erosi ditzake, gehienez.

Herriko Plazako eta Aritzaga kaleko estoldak eta hodiak garbituko ditu Udalak astelehen eta astearte goizean

Herriko Plazan, Endaia plazan eta Aritzaga kalean egindako obrak bukatu ondoren, instalatu diren estolda eta hodi berriak garbitu behar dira, obraren eraginez sortutako zakarrak eta hondarrak erretiratzeko eta instalazioa behar bezala funtzionatzen uzteko.

Hondartza-eskubaloiko Euskadiko txapelketa jokatuko da Orion larunbat-igandeetan

Txapelketa Euskal Eskubaloi Federazioak eta Orioko «Orio Eragin» eskubaloi-taldeak antolatu dute eta 20 klubetako 250 jokalarik parte hartuko dute asteburuan zehar.

Eskubaloi Federazioa «Orio Eragin» taldearekin harremanetan jarri zen txapelketa hau antolatzeko, Orioko elkarteak indar handia hartu duelako bere ibilbide laburrean. «Orio Eragin» 2019an sortu zen eta, gaur egun, 140 kirolari dabiltza klubean, guztiak emakumeak.

Aldaketak egin ditu Udalak herriko zenbait aparkalekutan

Udala herriko aparkalekuen lanketa egiten ari da eta hainbat bilera egin ditu herritarrekin gaia aztertzeko eta eremu batzuetako arazoei konponbidea emateko.

Anibarko Portua

Lanketa horren barruan, Udalak erabaki du aurrerantzean Anibarko Portuko aparkalekuak oriotarrentzat izango direla eta, beraz, kanpotik datozen ibilgailuek ezin izango dituzte erabili. Egun hauetan pintatuko ditu Udalak lurreko seinaleak, hori adierazteko.

Anibarko Portuan erabilera librekoak izango diren aparkaleku bakarrak ekialdeko muturrekoak izango dira (irudian, puntu zuri batez markatutako eremua).

Bide-zati bat itxiko da obragatik, astebetez, Zaragueta eskolaren inguruan

Argazkian ikusten den zebra-bidea oso egoera txarrean dago eta Udalak guztiz berritu behar du. Hori dela-eta, bihar asteazkenetik hasi eta astebetez, itxita izango da Abaromendi kaleko bide-zati hori ibilgailuentzat.

Asier Arroitaren «TXIRIBUELTA: Bidaia frustratu baten abentura ederra» emanaldia izango da ostegunean, Mintzalagun programaren ikasturtea bukatzeko

Urola Kosta eskualdean abian dagoen Mintzalagun programak urtero egiten du jendaurreko ekitaldi bat ikasturtearen bukaeran. Aurtengoa Orioko Arraunetxen izango da ekainaren 10ean, ostegunarekin, 18:30ean hasita: Asier Arroita informatikari eta argazkilari bizkaitarrak pandemia garaian Asian barrena egindako bidaia luzea kontatuko du.