Noticias

Zozketa publiko bidez banatu dira herri-baratzetako 44 partzela

Herri-baratzeak adjudikatzeko prozedura azken txanpan dago. Udalak aste honetan zozketa publiko bidez banatu ditu herri-baratzetako 44 partzela. Alde batetik, gaur egungo bost erabiltzaileen artean 60 m2ko bost zozketatu dira. Bestalde, 39 partzela esleitu dira beste 95 eskatzaileren artean. Zozketa udalbatzar aretoan egin zen astelehenean, uztailaren 26an. Lotura honetan dira emaitzak. 

Uztailaren 31n Donostiako Klasikoa txirrindulari-lasterketa pasatuko da Oriotik eta aldaketak eragingo ditu ibilgailuen zirkulazioan

Uztailaren 31n, larunbatarekin, izango da Donostiako Klasikoa txirrindulari-lasterketa eta horrek zenbait aldaketa eragingo ditu ibilgailuen zirkulazioan, Orion.

Bi lasterketa dira, emakumeena eta gizasemeena, eta biak pasatuko dira Oriotik egunean zehar.

• Emakumeen lasterketa 09:50 inguruan iritsiko da Oriora, Donostiatik. Hortik Xuai gainera egingo du eta, Aia eta Santiago auzotik barrena, Oriotik pasatuko da berriz 10:20 inguruan.
• Gizasemeen lasterketa, berriz, 12:15 inguruan iritsiko da Oriora, Donostiatik eta, ondoren, Zarautz aldera joango da, Xuai gainetik barrena.

Indartu egin da hondartzako hondakin bilketa sistema

Hondartzako alboetako bi sarreretan hondakinak biltzeko guneak indartu egin dira. Udalak Gipuzkoako Aldundiari eskatu dio bi gune horietan edukiontzi gehiago jartzeko, ikusita joan-etorri handiko egunetan azkar egiten zutela gainezka.

Bulego taldearen kontzertua izango da ostiralean, Herriko Plazan

Bulego taldeak kontzertua emango du Orion uztailaren 30ean, ostiralarekin. Kontzertua 20:00etan hasiko da, Herriko Plazan, eta doan izango da.

Ez da aldez aurretik gonbitarik hartu behar.

Kontzertua entzuteko, aulkiak jarriko ditu Udalak plazan, distantziak-eta errespetatuta.

Euskara-maila indartzeko eskolak hartzen ari dira uztailean herriko bi eskoletako haurrak

Udalaren ekimenez eta AEKren laguntzaz, euskara errefortzu-eskolak ematen ari dira euskaltegian uztailean.

4 taldetan banatuta, astean hiruna saio egiten dituzte: batzuk oinarrizko komunikaziorako tresnak eskuratzen; besteak, beren maila indartzen… guztiek, musikaren eta jolasen laguntzaz, euskal kulturaren erreferentziak barneratzen.

Gogotsu dabiltza lanean Orioko gazteak. Animo eta segi horrela!

HAZILAN programari buruzko informazio-saioa egingo da uztailaren 29an

Irailean abiatuko da HAZILAN proiektuaren 12. edizioa eta dagoeneko zabalik dago izen-ematea. HAZILAN programa 20-44 urte bitartean dauzkaten eta goi mailako ikasketak dituzten pertsonei zuzenduta dago eta lana lortzera bideratuta dago.

Urola Kostako Udal Elkarteak programari buruzko informazio-saio bat antolatu du, egitasmoaren xehetasunak emateko: